Erakunde-aldaketa

Pablo Aretxabala ByPablo Aretxabala

Autogestioaren oinarrizko 10 egitura gure nerbyK2K-en arabera (3)

info

Informazioaren eskuragarritasuna

Artikulu-sorta honetan antolakunde autogestionatu bat eraikitzeko behar diren oinarrizko egiturak aipatzen jarraituko dugu, K2K Emocionando-n harreman-molde berria jorratzen dugun eraren arabera, hau da, gure “nerbyK2K”-ren arabera. Artikulu honetan autogestioaren beste egitura oso garrantzitsuetako batez hitz egingo dugu: informazioaren eskuragarritasuna.

Ez dago autogestiorik antolakundeko pertsona guztiek erabakiak hartzeko askatasuna eta erantzukizuna izan ezean, eta hori ezin daiteke gertatu informazioa eskuratzeko aukera aske eta arduratsurik gabe, hau da, gardentasunik gabe. Lehenik eta behin, nabarmendu beharra dago gardentasuna konfiantzaren aurrebaldintzetako bat dela: antolakundea osatzen duten pertsonak errazago fidatuko dira hartaz gune ilunik ez badago, dena agerian badago, ezer ezkutatzen ez bada. Eta konfiantza nagusi den antolakunde bat primerako eremua da autogestiorako.

Read More

Avatar ByK2K Emocionando

Autogestioaren oinarrizko 10 egitura gure nerbyK2K-en arabera (2)

Askatasuna eta erantzukizuna, irizpide orokorrak eta erabakiak hartzeko onespena.

Artikulu-sorta honetan antolakunde autogestionatu bat eraikitzeko behar diren oinarrizko egiturak aipatzen jarraituko dugu, K2K Emocionando-n harreman-molde berria jorratzen dugun eraren arabera, hau da, gure “nerbyK2K”-ren arabera. Artikulu honetan autogestioaren egiturarik garrantzitsuenetako batez jardungo dugu: erabakiak hartzeko modua.

Ez ditzagun geure buruak engaina: antolakunde hierarkikoek duten arrakasta izugarriaren arrazoietako bat (arrakasta, eredu horren zabalkundeari erreparatzen badiogu) erabakiak hartzeko sistema oso argi, erraz eta azkarra izatea da: “azken hitzaren” metodoari jarraituz hartzen dira erabakiak, hots, pertsona bakarrak du, azken beltzean, erabakia hartzeko erabateko ahalmena. Eta zenbat eta hierarkiaren piramidean gorago, orduan eta arlo gehiagotan erabili ahal izango dut nire “azken hitza”.

Haatik, metodo hierarkikoaren argitasunak, erraztasunak eta arintasunak eraginkortasun-falta handia ere eragiten dute (norbaitek erabaki bat hartzea kontu bat da, eta beste bat, oso bestelakoa, hura betetzea), baita blokeatzeko berezko joera (oso pertsona gutxik gero eta erabaki gehiago hartzen dute, eta horrek trabak eta paralisia sortzen ditu) eta erabaki txarrak hartzekoa ere (informazio nahikorik ez izateagatik, beldurrak eragindako informazio txarragatik, kontrapisu eta kontrasterik gabeko erabakiengatik, etab.). Sisteman holako akatsik egon ez dadin “adabakiak” martxan jartzeko saiakera egin ohi da; esaterako, ordezkaritza-sistemak, iritzia eskatzea bozketen bitartez edo proposamenen eta iradokizunen bitartez, etab.

Autogestionatutako egitura baten oinarrizko printzipioa askatasunari eta norberaren erantzukizunari lehentasuna ematea da, antolakunde edo talde osoak objekziorik gabe adostutako esparru edo irizpide nagusien barruan. Itxuraz konplexuagoa da sistema hierarkikoa baino, baina berehala ohartuko gara ez dela hala, eta are gehiago, erabakiak hartzeko oso modu eraginkorra dela.

Read More

Pablo Aretxabala ByPablo Aretxabala

Autogestioaren oinarrizko 10 egitura gure nerbyK2K-en arabera (1)

Autogestionatutako taldeak

Artikulu hauetan, K2K Emocionandotik harremanen estilo berria, hots, gure NER BY K2K, ezartzen dugun moduaren arabera, autokudeatutako erakunde bat eraikitzeko beharrezkoak diren oinarrizko egiturak aletzen ari gara.

Lehen entregan, autokudeaketaz aritu gara gaur egun garatuen dauden erakundeek duten berrikuntza handi bat bezala, eta, orain, #nerbyK2K-n modu autokudeatuan funtzionatzeko erabiltzen ditugun egitura berrietako lehena ikusiko dugu: talde autogestionatuak.

photo-1499976311613-703e57dd2e53Autogestionatutako erakundearen oinarrizko egitura taldea da. Erakundeko pertsona guztiak gutxienez talde batekoak dira, eta aproposena da inor bakarrik ez geratzea. Hala ere, edozein pertsona-talde ez da talde bat eta are gutxiago autokudeaturiko taldea. Edozertarako ere, funtsezko ezaugarri batzuk izan behar ditu:

  • Ez du barne-hierarkiarik izan behar; hau da, taldeko pertsonen iritziak eta horien gaineko “autoritatea”. Soilik esperientziaren, ezagutzaren edo konpromisoaren arabera baloratuko dira, besteak beste, baina inoiz ez taldeko pertsonaren batek botere handiagoa duelako edo gainerakoei gailendu dakiekeelako bere “galoiak” medio.
  • Aukera izan behar du jarduera propioa arautzeko, lanak eta egitekoak banatzeko, ordutegiak eta oporrak antolatzeko, e.a. Alde hori funtsezkoa da; izan ere, eragozpen nagusietako bat izan ohi da autokudeatutako funtzionamendua planteatzerakoan.
  • Helburuak ezartzeko aukera izan behar du eta horiek lortu ahal izateko erabakiak hartzeko beharrezko informazioa ere bai, horretarako bitartekoekin batera.
  • Taldean eragina duten erabaki guztietan kontuan hartzeko aukera izan behar du, pertsona berriak kontratatzetik hasi eta dagozkion inbertsioetara bitarte, tarteko hobekuntzetatik, lan-prozesuaren aldaketetatik eta abarretik igaroaz.
  • Nork bere burua antolatzeko gaitasuna izan behar du, buru izango diren pertsonak edo une bakoitzean behar dituzten rolak aukeratuaz, baita biltzeko modua ere.
  • Talde guztien ordezkaritza- eta koordinazio-egituretan parte hartzeko aukera izan behar du.

Autogestionatutako taldearen tamaina oso aldakorra izan daiteke. Aproposena litzateke 3 eta 15 pertsona artekoa izatea, baina hori egoera bakoitzaren araberakoa da.

Read More

Koldo Saratxaga ByKoldo Saratxaga

Kolibria – 6

Colobrí 6NAHIATIK GOZAMENERA

Uste dut nire bizitzako une oso berezian bizi naizela, kontzientziaren aldetik ulertzera hurbildu naizelako, bertan urte asko kontziente izan gabe eman ondoren. Nire lagun kolibrien ustez, partekatu behar dugu gertatzen ari zaiguna, argiaren, argitasunaren eta Galeanok esango lukeen moduan su txikien terminoetan sentitzen duguna, gizateriak bizi duen une kritikoari erreferentzia eginez, berriro suspertzea oihuka eskatzen baitu.

Historian inoiz gertatu ez bezala, gure bizitzan hain “naturala” eta erreala den zerbait medio, hots, gure organismoaren zati diren birusengatik, mundu-mailan sortu den zirrara izugarriak mundu osoa bidegurutze zail batean sartzea lortu duela sentitzen dugu, beldurra eta ezintasuna sortzen dituen errealitatearen erabateko ezjakintasunaren aurrean, inoiz ezagutu gabeko botererik ilunenaren zerbitzuko mendekotasunean eta morrontzan amaitzeko.

Nola liteke espetxeratuak izatea, epaiketarik gabe eta egindako kaltearen berri izan gabe, eta, beraz, zuzentzeko ere aukerarik gabe? Gainera, ulertu behar dugu beharbada gertaera hori beharrezkoa izan dela gizakiok egungo moduak alde batera uzteko aukera planteatzeko, kanpotik barne alderako begirada aldatzeko eta Izaki espiritualago, integralago eta integratuago batera bideratzen hasteko, gaur egun horretaz ia ez dakigu ezer eta.

Aholkulari on batek, besteak beste, Eckhart Tolleren Un mundo nuevo liburua irakurtzeko gomendatu zidan; hau da, gaur egungo literatura espiritualeko maisu onenetarikoarena. Nire lagunak dio liburu hori irakurtzeak kontzientziaren bideari hasiera ematea dakarrela. Jakin badakit agian ez nintzela horren amaierara iritsiko duela hamarkada bat heldu izan balitz nire eskuetara. Hori dela-eta, laburpen txiki bat egiten saiatuko naiz egunero gertatzen zaigunarekin loturiko zerbaiten eta, maiz, nahigabeak sortzen dizkigunaren inguruan.

Bizitzak erakutsi dit oso konplexua dela, baina, halaber, konturatzen ari naiz gure lenteek eta ezarrita ditugun sistema, sinesmen eta kulturek ez digutela uzten zein erraza den konturatzen. Argi dut modu positiboan bizitzera etorri garela hona, bidea eginaz eta bizipen bakoitzetik ikasiaz, edozein motakoa izanda ere.

Tolleren hitzetan: “Kanporantz bizi den pertsona baten errutina naturala zuzentzen duen egoak usurpatutako bizitza da. Kontzientzia gehitzen bada, egoak bere hierarkia galtzen du, gure bizitzaren erabilera. Planetaren bizitzan kontzientzia berria agertzen den neurrian, dimentsio espirituala hazi egiten da eta lasaitasuna, Izakia eta formaren disoluzioa etortzen dira”. Kanporantz bizitzeko modu hori, Epicteto filosofoak adierazten zuen arabera, kalteak eta onurak kanpotik datozela sinesten dugulako gertatzen da. Baina, horri uko eginda “baretasuna, askatasuna eta lasaitasuna” lortuko ditugu.

Read More

Pablo Aretxabala ByPablo Aretxabala

Autokudeaketaren oinarrizko 10 egitura nerbyK2K-en arabera

k2k_autogestión2
Honezkero, ez dut uste beharrezkoa denik Harremanen Estilo Berriko (ner) funtsezko elementuetariko bat autokudeaketa erabiltzea dela azaltzen hastea, gai horretan adituak diren pertsona askok, tartean Frédéric Laloux, Corporate Rebels edo Ana Moreno, artikulu, liburu eta elkarrizketa ezberdinetan goraipatu duten moduan.

Ez dut  berriro esango ner-en garrantzitsuena honako hauek bezalako balio jakin batzuen aplikazio praktikoa dela: konfiantza, askatasuna, erantzukizuna, konpromisoa, eskuzabaltasuna, gardentasuna eta etorkizunarekiko ikuspegia. Era berean, ez naiz berriro arituko pertsona bere osotasunean erakundearen erdigunean jartzeko beharraz, ezta helburu komun bat eraikitzeak duen garrantziaz ere, edozein erakunde edo proiektuk arrakasta izateko kide izatearen harrotasun hori sortzen duena.

Orain abian jarriko ditudan artikuluetan, harremanen estilo berriko zutabe batean oinarrituko naiz: autokudeaketa, eta hori erakunde batean ezartzeko aukera ematen duten egiturak nola sortu.

Read More

Koldo Saratxaga ByKoldo Saratxaga

Kolibria – 5

BAKARTASUNARI BURUZ

Kasu honetan asko dira sutsuki baina aldi berean tristura handiarekin tematzen ari zaizkidan kolibriak, egungo birus honen eta ez azkenekoaren aurrean hartutako forma eta neurrietan bizitzen ari garen prozesuak gizakiarentzat izango dituen ondorio desproportzionatuen gainean.

Jakin badakit haiek jokatu behar dutela uste dutenean, nolabait entzun egin behar diedala, badakigu eta, ezbairik gabe, zein den haien maitasuna eta ingurune guztiari ematen dietena, natura osotasun gisa sentitzeagatik.

Gizakiok natura bezala ulertzen dugunaren parte gara, mineralekin, landareekin eta animaliekin batera. Gizakiok animalien erresuman sar gaitezke, baina jaiotzetik ditugun dohainek, talentuek eta trebetasunek estatus handiagoa ematen digute, sapiens maila bat, egun Yuval Noaah Harari idazle ospetsuak esaten duen moduan,  animalietatik Jainkoetara eramaten gaituena. Eta horrek egia ez ezik, errealitate ere izan behar luke.

Horrez aparte, eta landareen eta animalien antzera, ez dago berdinak diren bi pertsonarik edo bi egun berdinik. BAKARRAK GARA. Natura eta unibertso osoa bezala, gizateria etengabe mugitzen da, hobeto esanda, etengabe mugitzen egon behar genuke, etengabe aldatzen, horretara etorri gara eta. Ez estatikoak izateko edo suntsitzen aritzeko eta elkar suntsitzeko.

Jainkoak izateko etorri gara. Bilakaera berezkoa du gizakiak. Daukagun potentziala errealitate bilakatzen denean bakarrik pertsonak bete-betean sentitzen dira.

Read More

Avatar ByK2K Emocionando

Harreman estilo berritik (ner) ideiak, konpromisuak eta proposamenak gure erakunde eta gizartearen etorkizunerako

nerfuture

GURE IZATEKO ETA EGITEKO ERA PARTEKATU NAHI DUGU

Jarraian erakutsiko ditugun ideiak partekatzen ditugun erakunde eta pertsonok, jatorri geografiko oso desberdinetakoak gara (12 Autonomi Erkidegoa eta 11 munduko herriak) eta anitz jarduera, tamaina eta erakunde mota askotan (multinazionalak, ONG, Instituzioak, Kooperatibak, S.L …) lan egiten dugu.
Aniztazun honetan, badago batzen gaituen uste oso bat: erakundeek aukera dutela, nahi izan ezkero, pertsonak, beraien ardura eta arreten erdigunean ipintzeko, eta eskuzabaltasun eta konfidantzatik jokatzeko, askatasuna eta erantzukizunaren alde apostu eginez, helburu ekonomikotik harago, eboluzio personal eta komunitario batekin.
Hamarkadak daramatzaguz ideia hauek arrakastaz aurrera eramaten eta horregatik, bizitzen ari garen ezohiko egoera honen aurrean proposatzen dugun gizarte eztabaida sustatzeko, esperientzia eta proposamen batzuk partekatu nahi ditugu.
Gure gizarteak, erakundeak eta gure bizitzeko moduak kolpe izugarria jasan dute Covid-19 pandemiaren ondorioz; Uzte dugu gauzak ez direla lehengo puntura bueltatuko, “normaltasuna” deitzen genion puntura. Kolpearen eragina hain globala izan da, gure gizarte modernoaren nukleoan, ezer gertatu ez balitz bezala egitea ezinezkoa egiten zaigula.
Baina ez dakigu nolakoa izango den “normaltasun” berria, orindik idatzi barik dagoelako.
Gu, gure erakundeetatik, baita pertsonalki ere, eragile aktiboak gara, bai eztabaidan, bai gure etorkizuna izango denaren eraikuntza praktikoan, hurrengo konpromisuekin: Read More

Koldo Saratxaga ByKoldo Saratxaga

Kolibria – 4

Erraketa emeen kolibria. Argazkia: Pedro A. eta Camargo M.

MOLDAGARRITASUNA GIZAKIAREN EZAUGARRI MODUAN

Irakurle maitea, gogoeta baterako gonbita luzatu nahi dizut nire lagun kolibriekin batera. 2018ko otsailean (ikus Kolibria -1) erabaki nuen kolibria nire inspirazio izatea, nire bidaia-laguna, harekin batera hausnarketa egiteko. Jakin badakit une honetan munduko kolibri guztiak, munduan dauden kolibri pertsona guztiak, mundu honetara ekarri zuten funtzioa gauzatzen ari direla; alegia, laguntzea, babestea eta elkarrekin lan egitea naturari eusteko eta hura hobetzeko, gu bere partaide izanik.

Iraganean adieraziko dut: mundu oso azeleratu eta konplexu batetik gatoz, gizakiak hautemateko eta, are gutxiago, gainditzeko, gai garenaren oso gainean dagoenetik. Orain, ontzia hautsi zaigu, eta beldurrak eta galderak besterik ez dira geratzen. Gizakiaren ezaugarrietariko bat partekatu nahi dut, gutxi garatua eta aztertua; hala nola, moldagarritasuna edo egokitzeko gaitasuna.

Artikulu honen izenburua pasa den astean lagun on batek proposatu zidan erronka zoragarriarekin hasten da: “Koldo, honako hau partekatuko dugu, eta honela deituko diogu: “zer berri ikasi dugu gaur”. Erronka erakargarria iruditu zitzaidan, eguneroko sentimenduak, pentsamenduak eta zereginak behatzera eta hausnartzera animatzen baikaitu. Azken hiru egunak gogoratzen ditut: 1- Goizeko 09:00etako meditazioak, telekonferentzia bidez, NER (Harremanen Estilo Berria) inguruneko eta jatorri oso ezberdineko lagun eta adiskideekin. 2- Biolontxeloa musika-tresna gisa. 3- MOLDAGARRITASUNA hitza eta horren esanahia.

Read More

Avatar ByK2K Emocionando

La libertad de las personas trabajadoras desata el éxito de las empresas

Isaac Getz

La cultura de la libertad funciona. Ya sea en tiempos de dificultades económicas o de prosperidad, existe una fórmula para que las empresas aumenten la productividad, las ganancias y el crecimiento. Una fórmula que sorprendentemente no cuesta nada: ni tiempo ni dinero. Se basa en la creencia de que cuando las personas trabajadoras actúan con libertad y movidas por el interés de su empresa, los resultados se vuelven espectaculares. Freedom, Inc., un libro escrito a cuatro manos por Brian M. Carney e Isaac Getz, presenta evidencia de que esta es una realidad construida por los líderes centrados en los resultados y revela los secretos de un paradigma empresarial exitoso basado en un entorno liberador, no jerárquico y de confianza. Al escuchar a las personas empleadas, tratarlas como iguales y fomentar una cultura de compromiso en vez de imposición, las empresas liberan el potencial individual de sus trabajadores y trabajadoras. Eso promueve la productividad, la lealtad y el compromiso; como consecuencia genera ganancias y crecimiento significativo.

Read More

Pablo Aretxabala ByPablo Aretxabala

Ekintzailetzarekin saldu nahi diguten gezurra


ideasNazkatuta nago politikariei eta enpresa handietako zuzendariei “ekintzailetzaren kultura sustatu behar dela” entzuteaz, hori gezurra besterik ez baita, eta kontuan izanda gazteek nahiago dutela funtzionarioen segurtasuna ekintzailetzaren edo enpresa pribatuaren abentura baino; a zer eskandalua!

Lehenik eta behin, enpresek hausnarketa egin behar lukete, autokritika handia, eta onartu jendeak administrazio publikoan lan egin nahi badu, horrek nolabaiteko zerikusia izan dezakeela enpresa pribatuak eskaintzen dituen baldintzak gero eta okerragoak izatearekin. Jakina, logikoki, pertsonak adimentsuak gara, eta gehien komeni zaiguna bilatzen ahalegintzen gara. Enpresa pribatuak “lankidetzako ekonomiaren” etorkizuna eskaintzen badigu, eta enpresak ez badu pertsonarekiko inolako betebehar eta erantzukizunik hartzen, hots, soilik langileen lanaren irabaziak jasotzeaz arduratzen bada, erabat logikoa eta bidezkoa iruditzen zait jendea beste leku batzuetara joatea aukera bila.

Read More

MyanmarSpain